Eurostat: Ulet në 25.7% papunësia në Greqi

849

papunesia 1Në 25.7% është papunësia në Greqi për muajin janar të 2015, duke shënuar një rënie të lehtë në krahasim me muajin dhjetor 2014, sipas të dhënave nga Eurostat, publikuar sot. Në 25.7% papunësia për muajin janar. Gjithashtu për muajin mars 2015 shkalla e papunësisë ka mbetur e qëndrueshme në lidhje me muajin shkurt, si Eurozona me (11.3%) dhe “BE-28” (9.8%). Një vit më parë, në mars 2014 papunësia në zonën e euros ka qenë 11.7% dhe “BE-ja-28 ‘ishte 10.4%. Në përgjithësi, muaji mars 2015 regjistroi 23.7 milionë të papunë në BE dhe 18,1 milion të papunë në Eurozonë. Më të lartat nivelet e papunësisë në vendet e BE-së janë të regjistruara në Greqi (25.7% në janar), Spanja (23%) dhe Qipro (16%). Normat më të ulëta të papunësisë janë regjistruar në Gjermani (4.7%) dhe Austria (5.6%).

Sidomos në Greqi, numri i të papunëve në janar 2014 ra në 1.22 milion. Shkalla e papunësisë për meshkujt qëndroi në 22.5% dhe gratë në 29.6%. Shkalla e papunësisë së të rinjve (nën 25 vjeç) u ul në 50.1%, kundrejt 50,8% në dhjetor. Më të larta normat e papunësisë së të rinjve në BE janë regjistruar në Greqi dhe Spanjë (50,1%), e ndjekur nga Kroacia (45.5%) dhe Italia (43.1%). Normat më të ulëta janë regjistruar në Gjermani (7.2%), Austria (10.5%) dhe në Danimarkë dhe Holandë (10.8%). Në mars, papunësia e të rinjve në Eurozonë mbeti stabël në 22.7% në krahasim me muajin shkurt dhe BE mbeti stabël në 20.9%.