IOM: 97,857 emigrantë mbërritën në Evropë përmes detit në vitin 2018

39

Numri i migrantëve që kanë mbërritur në Europë nëpërmjet Mesdheut është rritur në 97,857 në 2018, sipas Organizatës Ndërkombëtare për Migracionin. Pothuajse 2,000 emigrantë kanë vdekur në det duke u përpjekur të arrijnë në Evropë këtë vit, njofton agjencia.

Agjencia e Kombeve të Bashkuara për Migracionin, IOM, raporton se 97,857 emigrantë dhe refugjatë kanë arritur në Europë nëpërmjet detit këtë vit që nga 28 tetori. Numri mbetet më i ulët se sa 147,170 të sapoardhur në rajon në të njëjtën periudhë të vitit të kaluar 2017  dhe 334,914 në vitin 2016. IOM tha se Mesdheu mbetet një rrugë vdekjeprurëse për migrantët, pavarësisht nga një rënie e mprehtë e numrit të atyre që bëjnë përpjekje.

Projekti i Migrantëve të Zhdukur të IOM-it ka dokumentuar vdekjen e rreth 1,987 emigrantëve në dhjetë muajt e parë të këtij viti. Mbi dy të tretat e tyre vdiqën në ujërat midis Afrikës së Veriut dhe Sicilisë. Për të njëjtën periudhë të vitit të kaluar, të paktën 2.844 migrantë humbën jetën duke kaluar në Mesdhe. Më shumë se 4,000 vdiqën në vitin 2016.