Nje rrjet për të luftuar kontrabandimin e emigrantëve dhe trafikimin e njerëzve në Afganistan

Bota Emigracioni

Një rrjet organizatash që punojnë për të ndaluar trafikimin e njerëzve dhe kontrabandimin e emigrantëve në Afganistan është nisur në Kabul. Qëllimi i rrjetit të drejtuar nga Organizata Ndërkombëtare për Migracionin dhe financuar nga agjencia amerikane e ndihmës USAID, është të ndihmojë qeverinë për të zbatuar një ligj të vitit 2017 kundër trafikimit të njerëzve.

Afganistani është një qendër e madhe për trafikimin e qenieve njerëzore, që ndikon në jetën e miliona njerëzve. Në janar 2017, vendi miratoi një ligj të ri kundër trafikimit dhe kontrabandimit të emigrantëve.

Në fillimin e rrjetit të parë kombëtar të referimit të OJQ-ve dhe mediave (ANCTIP), presidenti afgan Abdullah tha se qeveria e tij ishte e angazhuar për të luftuar trafikimin e qenieve njerëzore, por “ende ka shumë për të bërë”.

Synimet kryesore të ANCTIP janë të edukojnë publikun rreth trafikimit dhe kontrabandës së njerëzve dhe për të ndihmuar qeverinë që të zbatojë ligjin. Rrjeti do të shkëmbejë informacion dhe do të punojë me fqinjët e Afganistanit për të ndaluar trafikimin përmes kufijve.

Iniciativa financohet nga organizata ndërkombëtare e USAID-it për zhvillim. Drejtori i Misionit Herbert Smith tha: “Është e rëndësishme të përqendrohemi në të drejtat dhe nevojat e viktimave në luftën kundër trafikimit të qenieve njerëzore”.