Dy drejtorë spitalesh janë pezulluar nga detyra me urdhër të ministrisë së Shëndetësisë, me argumentin se janë përfshirë në fushatë elektorale.
Mësohet se të pezulluarit janë Drejtori i Shërbimit Spitalor Librazhd, ai i Shërbimit Spitalor Tepelenë dhe Kryeinfermieri i Shërbimit Spitalor në Kolonjë.
Sipas njoftimit për shtyp, pezullimi i tyre është bërë në zbatim të VKM-së, nr. 473, datë 01.06.2017, pika 4, për mospërfshirjen e administratës publike në fushatë elektorale.
Ndërkohë ministria e Shëndetësisë sjell në vëmendjen e gjithë administratës VKM-n nr. 473, datë 01.06.2017 duke rikujtuar se monitorimi do të jetë i pandërprerë dhe masat do të merren pa mëdyshje ndaj çdo shkelje të ligjit deri në përfundimin e procesit zgjedhor.
