Ilir Daja ka qenë gati të largohej nga Partizani menjëherë pas humbjes në derbi. Ardian Mema, ka zbuluar në studion e “Sport News Plus” se trajneri ka ofruar dorëheqjen e tij, por ajo me sa duket nuk është pranuar nga drejtuesit e klubit të kuq.
“Unë e di se Iliri ka dhënë dorëheqjen këtë javë. Jo pas kësaj ndeshje të sotme, para kësaj ndeshje. Pas humbjes me Tiranën. Unë mendoj se i vetmi i pafajshëm në këtë ndeshje është trajneri”, tha Mema, duke analizuar se çfarë kishte ndodhur në klubin e kuq.
“Nuk është vetëm çështje trajneri. Që duhet një analizë në atë klub, duhet, duhet analizë e thellë”m tha Mema.
