Halimi: Qeveria e Ramës, më e shtrenjta në historinë e demokracisë

866

halimi 44

Ministri në ikje i Drejtësisë në një editorial të publikuar në “Facebook”, ka kritikuar kabinetin qeveritar të Ramës duke e cilësuar si mjaft të shtrenjtë. Ai ka shtuar se Parlamenti i ri do të jetë më i kushtueshmi në të gjithë historinë e demokracisë ndërsa qeveria e re më e madhja në histori.

“Nesër mblidhet parlamenti i ri i dalë nga zgjedhjet e 23 qershorit. Ky do të jetë parlamenti më i kushtueshëm në gjithë historinë e demokracise. U votua për 140 deputetë por do të paguhen 160 sepse kryetari i PS donte të kishte dhe 20 të tjerë plus, duke shtuar ministrat. Një deputet i kushton shqiptarëve jo me pak se 2 milion lekë në muaj, 24 milion në vit (25.000 dollare) dhe në 4 vjet minimumi 100.000 USD. Vetëm nga vendimi abuziv dhe arrogant i kryetarit të PS parlamenti do të kushtojë 2 milion USD më shumë” shkruan Halimi.

Halimi shton më tutje se a janë dakord qytetarët që të shpenzojnë për qeverinë e re dhe për të shtuar ministrat e rinj. Ai thotë se qytetarët shqiptarë nuk janë në dijeni të këtij fakti. “Shpenzimet e kësaj qeverie nuk përfundojnë me kaq; Plot 5 ministri me shumë të cilat sigurisht ata që votuan nuk i dinin në 23 qershor. Nuk do të shpenzohen paratë e Edi Ramës, por të shqiptarëve. Ai premtoi t’i pyeste për çdo vendim. A janë dakord qytetarët shqiptarë që Rama të ketë një ministri të tërë për të komunikuar me parlamentin edhe pse e ka 10 m larg zyrës së tij?! Po që të ketë një ministër shteti, thuaj se këta 18 të tjerët nuk janë për shtetin. Tre ministra për kulturën, sportin e turizmin e tjera çudi të sforcuara nga uria për tortë”, shkruan Halimi.

Sipas Halimit, ky nuk është interes i qytetarëve dhe as ushtrimi pushtetit prej tyre por një haraç i lartë, i tepërt, i panevojshëm, që duhet paguar për qeverinë më të madhe në histori dhe parlamentin më të shtrenjtë, në kohën kur të gjithë qeveritë e vendeve të zhvilluara po i shkurtojnë shpenzimet!

 

 




Këtë e pëlqejnë %d blogues: