Ja kush janë 196 zyrtarët që do t’u hetohet pasuria!

ILDK do të hetojë pasurinë e Fidel Yllit, Ben Blushit dhe Neritan Alibali

Inspektorati i Deklarimit të Pasurive ka nisur verifikimin e pasurive për 196 zyrtarë, ndër 4640 për vitin 2013, ku shorti i hedhur ditën e djeshme ka përcaktuar emra të spikatur të Politikës, si deputetët Fidel Ylli, e Ben Blushi nga Partia Socialiste dhe nga Partia Demokratike hetimet për pasurinë do të kryhen hetime për deputetin Mehmet Xheka dhe ish-Zv.ministri i METE-s Neritan Alibali.

Deklarata

Gjatë një deklarate për shtyp ditën e djeshme kryeinspektorja e ILDKP-së, Zana Xhuka, nuk raporton asnjë shifër për shkeljet e gjetura gjatë deklarimeve për dy vitet e shkuara, ndërsa edhe pse marrëdhëniet mes ILDKP-së dhe Prokurorisë duket se nuk janë në rregull, drejtoresha Zhupa e ka anashkaluar të vërtetën për relatat mes dy institucioneve. Ndërsa prezantoi nisjen e shortit publik, Kryeinspektorja e këtij institucioni nuk deklaroi asnjë të dhënë për kallëzimet penale për persona publikë që kanë fshehur pasurinë e tyre përgjatë vitit 2011 dhe 2012. Gjatë fjalës së saj drejtoresha Zhupa tha se asnjë zyrtar nuk do të jetë imun ndaj hetimit të pasurisë dhe të gjithë do të hetohen ashtu si e parashikon ligji.

Shorti

Në shortin e hedhur ditën e djeshme nga Inspektorati i Lartë i Deklarimit të pasurive janë përzgjedhur 196 zyrtarë  të cilëve do ti hetohen pasuritë. Kryetarja e këtij institucioni deklaroi ndër të tjera se institucioni që ajo drejton, kërkon të zgjerojë kategorinë e zyrtarëve të cilëve duhet t`u kontrollohet pasuria. Në ndryshim nga herët e tjera këtë radhë janë përzgjedhur emra zyrtarësh jo shumë të njohur dhe më të shumtë ishin punonjës të doganave dhe tatimeve. Në listën e përzgjedhur nga shorti janë përfshirë vetëm 5 deputetë të Partisë Socialiste mes të cilëve janë Fidel Ylli, Ben Blushi, Arben Cuko, Hazir Gashi dhe ish-deputeti Edison Konomi. Ndërsa nga Partia demokratike janë përzgjedhur vetëm dy deputetë.

Hetimet

Kryetarja Zana Xhuka ka shpjeguar edhe shkakun e mos publikimit të hetimeve të pasurisë së vitit të kaluar. Sipas Xhukës kjo ka ardhur si pasojë e ndryshimit të ligjit i cili kërkon një tjetër rikontroll të përfundimeve. Interesimit të mediave për raportet me Prokurorinë, Xhuka iu përgjigj se për këtë duhet pyetur prokurori, ndërsa ajo i vlerëson bashkëpunimet si të shkëlqyera dhe kur ato mungojnë. Burime nga organi i akuzës thanë se në 8 muaj nuk është depozituar asnjë kallëzim nga ILDKP-ja për cilindo zyrtar që mund të ketë abuzuar apo fshehur të ardhurat, duke sqaruar se në momentin e parë që do të ketë një kallëzim, bashkëpunimi do të jetë maksimal dhe transparent, duke informuar publikun për çdo fazë të hetimit.

REPUBLIKA E SHQIPËRISË

 INSPEKTORATI I LARTË I DEKLARIMIT                   

 DHE KONTROLLIT TË PASURIVE                               

 DHE KONFLIKTIT TË  INTERESAVE                         

Detyrimi ligjor për kalimin e subjekteve në K.Plotë me short: Neni 25/1, pika 2, Ligji nr. 9049, datë 10 Prill 2003, i ndryshuar

Data e hedhjes së shortit për përzgjedhjen e 4.2% të subjekteve: 05 Shtator 2013

Numri i përgjithshëm i subjekteve të përfshirë në short: 4670 Subjekte

Numri i subjekteve të përzgjedhur në përfundim të shortit: 196 Subjekte

LISTA E PLOTË E SUBJEKTEVE TË PËRZGJEDHUR NGA SHORTI PËR KONTROLL TË PLOTË PËR VITIN 2012