Topi sulmon Ramën dhe Berishën: Po kërkoni të saldoni bipolarizimin

“PD-ja, PS-ja dhe klanet mediatike të tyre, në analizat politike për zgjedhjet e Qershorit, parashikojnë 2013-ën duke u bazuar në situatën e 2009-ës”. Për Bamir Topin, “kjo do të thotë se ata nuk marrin në konsideratë lindjen e partive të reja, me qëllim që të saldojnë bipolarizimin”. Në kuadër të prezantimit të programit politik, kreu i FRD-së Bamir Topi, ka qënë sot në qytetin e Vlorës, ku gjatë një takimi me qytetarët ka hedhur akuza në drejtim të kryeministrit Berisha.Topi u shpreh se “kryeministrit i mungon sinqeriteti dhe kurajo për të dhënë llogari për premtimet e pambajtura, për abuzimet me taksat si dhe për nivelin e lartë të korrupsionit”.