Nga 8 miliardë dollarë në 2.6 miliardë dollarë, drama e Chu Lam Yiu u kujton investitorëve realitetin e tregut kinez
Aksioni i Huabao International Holdings Ltd ra me një 67% të frikshëm pas zbulimit të një skandali që përfshin presidentin dhe CEO të kompanisë, Chu Lam Yiu, për shkelje disiplinore.
Komiteti i Etikës së qytetit Leiyang në provincën Hunan të Kinës po heton rastin e Chu, i cili mban 71% të aksioneve në kompani. Sipas një njoftimi të Komisionit, kompania nuk do të ndërpresë aktivitetet e saj.
Për investitorët, rasti i Chu është një shembull i rrezikut me të cilin përballen liderët e biznesit kinez. Në 5 vitet e fundit, të paktën pesë biznesmenë kinezë ose janë zhdukur ose janë tërhequr nga publiku, duke çuar në rënien e vlerës së aksioneve të kompanive të tyre.
Chu themeloi paraardhësin e Huabao në 1996. IPO-ja u pasua në 2006 pas një bashkimi të kundërt në Hong Kong.
Nëntorin e kaluar, Chu kishte një pasuri personale prej 8 miliardë dollarë. Sipas Indeksit të Miliarderëve të Bloomberg, kjo pasuri, pas rënies së fundit të aksionit, tani vlerësohet në 2.6 miliardë dollarë.
