Kontrollet janë rreth 100 mijë në ditë ndërsa në fundjavë janë më të shtuara, ku barrën kryesore e heq Policia greke.
Testet e koronavirusit: Për kontrollet që kryhen çdo ditë në lidhje me respektimin e masave për parandalimin e përhapjes së koronavirusit dhe për masat sanitare të marra nga shteti, ka folur në Televizionin Shtetëror ERT, komandanti i Autoritetit Kombëtar të Transparencës, Angelos Binis, i cili theksoi se. në kushte mesatare kryhen 100.00 kontrolle në ditë.
“Kontrollet janë rreth 100 mijë në ditë ndërsa në fundjavë janë më të shtuara, ku barrën kryesore e heq policia greke”, tha zoti Binis.
Duke folur në emisionin “Lidhje”, komandanti i Autoritetit Kombëtar të Transparencës zbuloi se fundjavën e kaluar janë vendosur 30 pezullime të kompanive që nuk respektonin masat sanitare në të gjithë vendin.
“Ajo që na intereson është respektimi i kontrollit të certifikatave të vaksinimit dhe identitetit. Aty gjejmë një boshllëk të madh. Historia e hapësirave të hapura që mbyllen në mënyra të ndryshme (p.sh. perde xhami), nuk janë hapësira të hapura. Janë qartazi zona të mbyllura për respektimin e legjislacionit dhe do të vendosen sanksione. “Kjo makinë që disa e kanë gjetur për të anashkaluar detyrimet e tyre dhe për të deformuar konkurrencën e shëndetshme po i vjen fundi”, paralajmëroi zoti Binis.
