Vrasja e katërfishtë në Andravidë natën e 2 marsit ka mbërthyer komunitetin shqiptar në Greqi , por edhe mbarë Greqinë.
Viktimat e atentatit vrasës të autorit 60-vjeçar, natën e 2 marsit në Andravidë, mbetën 32-vjeçari Armando, 37-vjeçarja Maria dhe dy fëmijët e tyre të mitur. 60-vjeçari, autori i krimit ndodhet në burgun e Korydallos për krimin e rëndë që ka kryer 15 ditë më parë.
Sjellja e nënës “zbuloi” autorin 60-vjeçar të vrasjes së katërfishtë në Andravidë
Sipas informacioneve të pelop.gr, sjellja e nënës së 60-vjeçarit ka qenë ajo që e ka vënë atë në kuadrin e të dyshuarve që në momentin e parë. Konkretisht, ka qenë ajo që me fjalët dhe sjelljen që ka treguar pas lokalizimit të katër kufomave, ka bërë që policia të kuptojë se kanë të bëjnë me një grua mjaft mizore.
Sipas të njëjtave informacione, kreu i hetimit theksoi se nëna e autorit, ndonëse familja katër anëtarëshe u gjet e vrarë në shtëpinë që ajo merrte me qira, nuk ka shfaqur asnjë interes për të mësuar se çfarë kishte ndodhur, ndërsa e moshuara nuk ka dalë në ballkon për të parë se çfarë ka ndodhur. Në të njëjtën kohë, përgjigjet e nënës 60-vjeçare gjatë marrjes në pyetje në polici ishin shumë lakonike. Nëna e autorit theksoi gjithashtu se kishte pasur kohë të shihte djalin e saj dhe se nuk e dinte se ku ishte.
Andravida: Përgjigjet e mamasë “tradhëtuan” djalin e saj
Përgjigjet e nënës së bashku me dëshmitë se kush ishte 60-vjeçari, e bënë atë të dyshuar “numër një” në sytë e policisë]
Të njëjtat informacione thonë se hetimet e koordinuara -pas 48 orësh kërkime- kanë çuar në vendndodhjen dhe arrestimin e tij në Patra, ku është arratisur menjëherë pas vrasjeve. Ai po kthehej nga vendi i krimit, pasi kishte tentuar t’i afrohej shtëpisë së tij për të marrë paratë -15 mijë euro- që mbante dhe për t’u zhdukur! Raportimet që qarkullojnë për gjetjen e një shume të madhe parash, prej rreth një milion eurosh, në shtëpinë e tij mohohen kategorikisht nga Policia greke.
