Greqi: Vrasja e katërfishtë në Andravidë në Ilias është cilësuar si një krim veçanërisht i shëmtuar nga drejtori i përgjithshëm i policisë rajonale të Greqisë, gjenerallejtënant Apostolos Martzaklis, gjatë një konference për shtyp që dha sot mesditën në Patra.
Hetimi i çështjes ka qenë i menjëhershëm me arrestimin e 60-vjeçarit mesditën e djeshme në Pirgos, pasi ai ishte lokalizuar mbrëmë vonë në Patra dhe ishte sjellë në polici.
Lidhur me qëndrimin e 60-vjeçarit gjatë ekzaminimit, Apostolos Martzaklis tha se “autori nën peshën e provave të hetimeve paraprake ka rrëfyer se ka kryer vrasjet e 31-vjeçarit dhe 37-vjeçares ku kishte fshehur armën e krimit”.
Sipas gjenerallejtënant, “në një qese të fshehur me kujdes në një kazan të një pallati në Patras, është gjetur një pistoletë 9 mm me karikator që mbante pesë gëzhoja, 12 gëzhoja 9 mm dhe tre gëzhoja të kalibrit 0,45”.
Siç shtoi drejtori i përgjithshëm i policisë, “pas një ekspertimi balistik dhe laboratorik, pistoleta që u gjet u identifikua si arma e zjarrit me të cilën 60-vjeçari kreu dy vrasjet”. I pyetur se pse nuk janë dëgjuar të shtënat nga vendasit, ai tha se autori i ka qëlluar viktimat e tij thuajse në kontakt. Lidhur me vrasjet e dy foshnjave të familjes, përkatësisht dy dhe tre vjeç, “60-vjeçari nuk i ka rrëfyer, duke thënë se më pas nuk dëshiron të kujtojë se çfarë ka ndodhur saktësisht, e vetmja gjë që ai i tha policisë ishte se “nuk ka falje për këtë”.
Lidhur për vrasjet e dy fëmijëve, priten rezultatet e analizave laboratorike nga mostrat e materialit gjenetik që janë marrë.
Me transaksionet financiare që autori ka pasur me 31-vjeçarin, ai tha se kanë pasur dallime në pagesën e qirave për shtëpinë ku ai jetonte me familjen e tij, ndërsa në të kaluarën autori i kishte ndërprerë furnizimin me ujë. .
Gjithashtu, gjatë kontrollit të ushtruar në shtëpinë e 60-vjeçarit në Andravidë, policia gjeti të fshehur me kujdes shumën prej 15 mijë eurosh. Për kronologjinë e rastit, drejtori i përgjithshëm i policisë rajonale të Greqisë Perëndimore u shpreh:
“I arrestuari ka shkuar pasditen e së mërkurës së kaluar në një shtëpi në pronësi të tij në Andravidë, të cilën ua ka dhënë me qira një çift të huajsh, të cilët jetonin me tre fëmijë të mitur dhe me armë zjarri ka plagosur për vdekje babain e huaj 32-vjeçar dhe bashkëshorten 37-vjeçare, ndërsa njëkohësisht i ka shkaktuar vdekjen mbytëse të frymëmarrjes dy fëmijëve e tyre të mitur, përkatësisht dy dhe tre vjeç.
Më pas i pandehuri ka transportuar kufomat e dy viktimave të rritura dhe i ka vendosur në një rimorkio në pronësi të tij, e cila ishte e parkuar në një magazinë ngjitur me të, në shtëpinë e marrë me qira nga çifti.
Përveç kësaj, autori kishte vendosur pranë rimorkios, mbi çarçafë, trupin e fëmijës tre vjeç të viktimave, ndërsa trupi i djalit dy vjeçar u gjet nga 12-vjeçari kur po kthehej për ne shtëpi”.
Më pas, siç deklaroi Apostolos Martzaklis, “menjëherë pas aktit, autori është larguar në këmbë, në shtëpinë e tij, e cila ndodhet aty pranë, nga vendi i krimit, ku ka hipur në kamionin në pronësi të tij dhe është larguar”.
Lidhur me operacionin e madh policor për gjetjen e 60-vjeçarit, gjenerallejtënant tha se “pas shfrytëzimit të informacioneve, policia ka gjetur mbrëmë autorin duke drejtuar veturën e tij në zonën e Midiloglit dhe më pas është imobilizuar”.
Autori, ndaj të cilit është ngritur rasti për vrasje me dashje, me radhë dhe shkelje të ligjit për armët, pritet të sillet sot në prokurorinë e Gjykatës së Shkallës së Parë të Amaliadës.
