Në debatin e vazhdueshëm për energjinë në Këshillin Europian, Kryeministri ripërsëriti propozimin e tij për nevojën e vendosjes së një tavani për çmimin e gazit dhe për të adresuar bartjen e çmimeve të gazit në tregun e energjisë elektrike dhe te konsumatorët.
Kyriakos Mitsotakis, siç raportohet nga mediat greke, iu referua edhe njoftimit të sotëm të prodhuesve më të mëdhenj evropianë të energjisë elektrike duke kërkuar nga liderët evropianë që të godasin rrënjën e problemit dhe të shikojnë një tavan të çmimit të shitjes me shumicë të gazit në një nivel që do të mbrojë vërtet konsumatorët evropianë. “Ne duhet të dërgojmë një mesazh për ata që spekulojnë dhe kanë bërë pasuri,” tha ai, duke përsëritur mbështetjen e tij për furnizimin e përbashkët të BE-së me gaz.
