Për trajtimin e këtyre rasteve janë trajnuar posaçërisht 1200 policë
Ministri i Mbrojtjes së Qytetarit, Takis Theodorikakos, ka dhënë të dhëna shokuese për dhunën në familje në një kohë kur Greqia po ndjek me tronditje zhvillimet në lidhje me ngjarrjet e fundit në Rethymnon dhe Zakynthos, ndërsa gjithçka tregon se rasti i vrasjes së 17-vjeçares. në Peristeri është gjithashtu një krim i rëndë.
Duke folur për MEGA paraditen e së mërkurës, ministri dha informacion të detajuar për çështjen e Zakynthos, ( vrasjen e gruas shqiptare 40-vjeçare nga bashkëshorti i saj) si dhe për veprimet e Policisë që e kishte arrestuar në 18 qershor, ashtu edhe për veprimet e prokurorit, i cili kishte caktuar një gjykim të rregullt dhe e kishte liruar. se nuk mund t’i afrohet gruas së tij në një distancë më të vogël se 100 metra.
Ai u ndal edhe në funksionimin e Zyrave për Ballafaqimin e Dhunës në Familje, duke theksuar se për çdo rast krijohet një dosje dhe inkurajoi gratë që të flasin, t’i besojnë Policisë dhe të denoncojnë çdo incident ndaj tyre.
Në veçanti z. Theodorikakos tha se që nga tetori i vitit 2021 janë krijuar dhe funksionojnë 6 zyra kundër dhunës në familje, 5 në Athinë dhe 1 në Selanik, ndërsa 1200 policë janë trajnuar posaçërisht për trajtimin e këtyre rasteve. Siç theksoi z.Theodorikakos, për të gjitha rastet e raportuara janë bërë dosje dhe në tetë muajt e parë të këtij viti, Policia greke dhe Ministria e Mbrojtjes së Qytetarit janë trajtuar me 5140 incidente.
