Fredi Beleri do të kthehet në Tiranë ku pritet të zhvillojë një takim me kryeministrin Edi Rama.
Pavarësisht akuzave në distancë, Rama do jetë “ i detyruar” të takohet me Belerin (me 29 tetor) i cili vjen si pjesë e delegacionit të Bashkimit Evropian për Stabilizim Asociimin.
“Takimi i Vitit”, e cilësojnë mediat greke, takimin mes Fredi Belerit dhe Edi Ramës. “To Vima” shkruan se “Kryeministri shqiptar do të takojë në cilësinë e deputetit të Komisionit të Parlamentit Europian njeriun që e mbajti në burg për 481 ditë për ta larguar nga zyra e kryebashkiakut të Himarës“.
Fredi Beleri vjen në Tiranë si pjesë e delegacionit të BE për stabilizim asocimit për Shqipërinë. Burime pranë Belerit konfirmojnë se do ketë një takim me Ramën si pjesë e këtij delegacioni, ndërsa nga kryeministria nuk ka ende konfirmim.
