ATHINË – Kriza që ka mbërthyer vendin ka detyruar qeverinë të bëj reduktimet në masën 25 % në pagat e ministrave dhe 15 % në pagat e 300 deputeteve, si dhe në masën 30 – 40% në drejtuesit e sektorit publik. Kështu ka vendosur sot kryeministri grek Alexis Tsipras, pas një takimi që pati me Zëvendës Ministrin për çështje të Reformës Administrative, Christopher Vernardaki, zëvendës ministër për Thesarin e Shtetit Dimitris Mardas. Në mediat vendase publikohet se projekt-ligji do të paraqitet sot, ku dhe do të përfshijë reduktimet në pagat e politikanëve dhe drejtuesve në sektorin publik.
