Teksa vijojnë hetimet për vrasjen e Alkisit, avokati i 23-vjeçarit ka bërë deklaratat e para.
Ndërkohë që vijojnë hetimet për gjetjen e autorëve të vrasjes së Alkisit, deklaratat e para për këtë çështje janë bërë nga avokati i 23-vjeçarit të arrestuar. Kujtojmë se prej ditës së djeshme 23-vjeçari ka nisur të ndryshojë qëndrim të ashpër pasi ka pranuar se ka qenë në vendin e atentatit vrasës, por nuk e pranon se ka vrarë Alkin dhe as që ka pasur kontakt fizik me dy miqtë e tij.
Të njëjtën gjë thekson edhe avokati i tij në deklaratat e para. 23-vjeçari, nëpërmjet avokatit të tij, mohon përfshirjen në krim dhe pretendon se autorët i priste në makinë. Avokati i 23-vjeçarit tregon se klienti i tij nuk ka pasur kontakt fizik me viktimat dhe vlerëson se në sulmin vdekjeprurës kanë marrë pjesë 10 deri në 12 persona. Ai këmbëngul se 23-vjeçari nuk ishte pjesëmarrës në to.
“Mohon akuzën bazë të vrasjes”
Më në detaje avokati tha: “Klienti im mohon akuzën bazë për vrasje dhe tentativë vrasjeje ndaj Alkisit dhe kompanisë së tij. Ai nuk ka pasur kontakt fizik me viktimat, ka qenë drejtues i njërës prej veturave por nuk ka pasur kontakt me viktimat. Jemi në pritje të përfundimit të procesit hetimor i cili mendoj se do të jetë i gjatë, pasi janë 10 deri në 12 persona që kanë marrë pjesë. Duhet të shohim përgjegjësinë e secilit në këtë incident tragjik”.
Policët që trajtojnë rastin e konsiderojnë të sigurt se të gjithë të arrestuarit do të pretendojnë të njëjtën gjë. Domethënë ka qenë në vendin e krimit por nuk ka marrë pjesë në vrasjen e Alkisit dhe plagosjen e shokëve të tij. Ndaj vijojnë analizat në video, ku policia tenton të gjejë prova të reja të palëkundura për autorët.
Deri më sot policia helene ka bere te mundur të arrestojë 5 persona , ndërsa janë në kërkim edhe dhjetë të tjerë të dyshuar për vrasjen e te riut grek.
