U tha dhe u bë…Ministri i Emigracionit Plevris mban fjalën e dhënë, por…
Mediat vendase raportojne se tre turq u dënuan për qëndrim të paligjshëm në Greqi, duke zbatuar, për herë të parë, dispozitat e ligjit të ri të imigracionit.
Tre të huajt e parë të arrestuar në Selanik për qëndrim të paligjshëm në vend u dërguan në burg, në zbatim të dispozitave të ligjit të ri të imigracionit, i cili nuk parashikon pezullim ose konvertim në dënime të tilla. Gjykata Penale e Shkallës së Parë, dënoi tre turq që u gjetën duke qëndruar në Greqi pa dokumente gjatë një kontrolli.
Konkretisht, të dy u dënuan me dy vjet burg, ndërsa i treti me 8 muaj burg, pasi iu njoh rrethana lehtësuese e të qenit adoleshent, pasi ai është 19 vjeç. Gjykata vendosi që dënimi mund të pezullohet vetëm nëse personat e dënuar kthehen në vendin e tyre dhe dorëzohen në kufi.
Me zbatimin e ligjit të ri të imigracionit, i cili parashikon burgosjen e emigrantëve që ndodhen ilegalisht në vend (pa pezullim ose ulje të dënimeve të dhëna), pritet që gjykimet për këtë temë specifike dhe numri i të burgosurve në burg për qëndrim të paligjshëm të rritet.
