Parlamenti Europian voton me 412 vota rezolutën për hapjen e negociatave me Shqipërinë

51

Parlamenti Europian votoi sot me 412 vota pro rezolutën për hapjen e negociatave me Shqipërinë dhe Maqedoninë e Veriut.

Eurodeputetët shprehën në shumicë mbështetjen e tyre pro hapjes sa më parë të negociatave me Shqipërinë dhe Maqedoninë e veriut.

Rezoluta e plotë e Parlamentit Europian:

Mosarritja e një vendimi për hapjen e bisedimeve të pranimit me Shqipërinë dhe Maqedoninë e Veriut është një gabim.

Në rezolutë, Parlamenti Europian thekson se të dy vendet kanë plotësuar kërkesat për të filluar negociatat.

Parlamenti ka shprehur zhgënjimin e tij të thellë për dështimin e Bashkimit Europian për të rënë dakord për hapjen e bisedimeve të pranimit me Shqipërinë dhe Maqedoninë e Veriut në samitin e BE-së më 17-18 tetor.

Eurodeputetët kanë shprehur keqardhjen e tyre për qëndrimin e Francës, Danimarkës dhe Holandës për të bllokuar vendimin e e negociatave duke deklaruar se Shqipëria dhe Maqedonia e Veriut kanë bërë përpjekje të konsiderueshme gjatë viteve të fundit dhe plotësojnë kriteret e BE-së për të filluar bisedimet e anëtarësimit.

Duke vlerësuar përpjekjet e Maqedonisë së Veriut për të zgjidhur çështje të vështira bilaterale me vendet e saj fqinje, eurodeputetët kanë mirëpritur gjithashtu reformat e fundit të gjyqësorit në Shqipëri.

Një gabim strategjik

“Parlamenti ka theksuar se “mosmarrja e një vendimi” nga drejtuesit e BE-së është një gabim strategjik, i cili dëmton besueshmërinë e BE-së dhe përcjell një mesazh negativ për vendet e tjera kandidate të mundshme. ‘’Mund të lejojë gjithashtu që aktorë të tjerë të huaj, veprimtaria e të cilëve mund të mos jetë në përputhje me vlerat dhe interesat e BE-së, të angazhohen më ngushtë me Shqipërinë dhe Maqedoninë e Veriut”, kanë shtuar eurodeputetët.

‘’Një reformë e procesit të zgjerimit, e mbrojtur nga disa vende, nuk duhet të pengojë Shqipërinë dhe Maqedoninë e Veriut, të cilat tashmë kanë plotësuar kërkesat për t’u vlerësuar në bazë të meritave të tyre dhe kritereve objektive dhe jo të gjykohen nga axhendat politike të brendshme në vendet e tjera’’, thuhet në tekst.

Koha për hapjen e negociatave është ‘Tani’

“Eurodeputetët u kërkojnë vendeve të BE të veprojnë me përgjegjësi ndaj Shqipërisë dhe Maqedonisë së Veriut dhe të marrin një vendim unanim pozitiv në mbledhjen e ardhshme. Parlamenti duhet të shtojë aktivitetet e tij të mbështetjes së demokracisë për të siguruar që parlamentet kombëtarë në Ballkanin Perëndimor të luajnë rolin e tyre si motorë për reformën demokratike”, shtojnë ata.