Mendimin se vendi ynë mund të dalë nga memorandumi shumë më herët shprehu në CNN, ish-kryeministri dhe presidenti i Lëvizjes së Demokratëve të Socialistëve, Jorgo Papandreu.
Ai theksoi se Greqia ishte në prag të falimentimit. “Për fat të keq, ne nuk mund ta festojmë fundin e programit, ndoshta te mundeshim. Kostoja e shpëtimit ishte e madhe: 25% e PBB-së, papunësia e madhe, pasiguria e përhershme, “tha ai.
“Ne mund të kishim arritur këtu, në fund të programit, shumë më shpejt, me kosto më të ulët, ndërkohë që ka shumë ndryshime që nuk janë bërë. I vetmi justifikim është se ne ishim në ujra të paeksploruara. Asnjë vend, askush në BE nuk dinte se si të merrej me këtë krizë – madje FMN, nuk e kishte bërë kurrë atë me nje vend tjeter ne eurozonë. Ne kemi nisur reforma të thella dhe ne kemi pritur një përgjigje pozitive ndaj solidaritetit në këtë përpjekje, sesa një dënim, gjë që përfundimisht e ka bërë shumë të vështirë zgjidhjen”. vuri në dukje Papandreu.
Duke iu referuar përpjekjeve të Alexis Tsipras, ai tha se, “Greqia po paguan shumë atë që ndodhi në gjysmën e parë të vitit 2015. Ne shmangëm falimentimin në vitin 2010 për t’u kthyer në prag të falimentimit në verën e vitit 2015, me kontrollet e kapitalit dhe një dalje nga euro. Kjo na kushtoi në kredibilitet dhe solli huamarrje shtesë, zgjerim të recesionit dhe prandaj ulje të mëtejshme”.
