“Çdo vend ka të drejtën e vetëmbrojtjes, ne mbështesim sovranitetin territorial të Ukrainës”, thotë Sekretari i Përgjithshëm i NATO-s, Jens Stoltenberg – Belgjikë, Kanada, Republika Çeke, Estonia, Franca, Gjermania, Greqia, Letonia, Lituania, Holanda, Portugalia, Rumania, Sllovakia, Sllovenia, Mbretëria e Bashkuar dhe Shtetet e Bashkuara kanë dërguar ose po vazhdojnë me procesin e miratimit për pajisjet ushtarake në Ukrainë.
Shtetet anëtare të NATO-s po bashkojnë forcat për të dërguar pajisje ushtarake në Ukrainë, e cila prej ditësh është goditur nga zjarri rus. Ndërsa konflikti është ndezur, NATO lëshon një deklaratë të veçantë duke thënë se “aleatët po rritin mbështetjen e tyre për Ukrainën ndërsa vendi vazhdon të mbrohet kundër operacioneve në shkallë të gjerë nga Rusia”. Mijëra armë antitank, qindra raketa ajër-ajër dhe mijëra stoqe armësh të vogla dhe municionesh po dërgohen në Ukrainë. Aleatët po ofrojnë gjithashtu miliona euro në ndihmë financiare dhe humanitare, duke përfshirë furnizime mjekësore, për të ndihmuar forcat ukrainase.
Belgjika, Kanadaja, Republika Çeke, Estonia, Franca, Gjermania, Greqia, Letonia, Lituania, Holanda, Portugalia, Rumania, Sllovakia, Sllovenia, Mbretëria e Bashkuar dhe Shtetet e Bashkuara kanë dërguar ose vazhdojnë me procesin e miratimit për pajisjet ushtarake në Ukrainë.
“Shqipëria, Bullgaria, Kroacia, Danimarka, Hungaria, Islanda, Maqedonia e Veriut, Norvegjia, Polonia, Portugalia, Rumania, Sllovakia, Sllovenia, Spanja, Mbretëria e Bashkuar dhe Shtetet e Bashkuara ofrojnë ndihmë humanitare dhe hapin kufijtë e tyre për refugjatët ukrainas. Kroacia, Polonia dhe Rumania tashmë janë duke pritur refugjatë ukrainas. “Italia po ofron gjithashtu ndihmë të drejtpërdrejtë financiare për qeverinë ukrainase dhe Turqia ka thelluar lidhjet e saj të mbrojtjes me Ukrainën dhe ka ofruar ndihmë humanitare”, thuhet në deklaratë.
Sipas deklaratës së NATO-s, Ukraina ka marrë tashmë një sasi të konsiderueshme të sistemeve të armëve, duke përfshirë raketat Javelin dhe raketat kundërajrore, si dhe miliona euro ndihmë financiare.
“Unë e mirëpres faktin që aleatët po rritin mbështetjen e tyre për Ukrainën, me pajisje shtesë ushtarake, ndihmë financiare dhe humanitare. Vetëmbrojtja është një e drejtë e sanksionuar në Kartën e OKB-së dhe aleatët po e ndihmojnë Ukrainën ta ruajë këtë të drejtë. “Ne po dërgojmë një mesazh të qartë të mbështetjes së plotë për sovranitetin dhe integritetin territorial të Ukrainës”, tha Sekretari i Përgjithshëm i NATO-s, Jens Stoltenberg.
