Problemet me pajisjen e identifikimit elektronik raportohen nga i gjithë vendi, ndërkohë që këtij fenomeni në këtë ditë zgjedhjesh, nuk i ka shpëtuar as Surreli, ku voton kryeministri Edi Rama.
Burime bëjnë me dije se në shkollën “Ymer Lala” në Surrel, votimi ka nisur pas më shumë se dy orësh, për shkak të mosfunksionimit të pajisjes PEI.
Gjatë ditës kësaj qendre votimi pritet që ti drejtohet dhe kryeministri Edi Rama.
Faxweb.al prej mëngjesit të sotëm ka raportuar një seri problemesh me identifikimin elektronik të qytetarëve, në të gjithë vendin, e për këtë shkak edhe pjesëmarrja e deritanishme në zgjedhje lë shumë për të dëshiruar.
