Fatkeqësisht, kështu ndodh ikën një dajë dhe vjen një teze në përfaqësinë tone dipllomatike në Greqi.
Kështu të paktëm jemi mësuar në Shqipëri kur bëhet fjalë për rokadë në përfaqësitë tona në mbarë botën. Nepotizmi ka lulëzuar dhe mbretëruar këto 25 vitet e fundit, duke përjashtuar fëmijët tanë që mbarojnë shkollat përkatëse në vendet e BE. Askush nuk mund të mohojë dot se gjatë gjithë këtyre viteve nuk janë punësuar fëmijë të cilët kanë shkëlqyer në universitetet përkatëse në këto përfaqësi, të kthyer në çifligje të këtij dikasterit, edhe pse çdo vit mbarojnë shkollën me dhjetra student.
7 vite me radhë qendroi ambasador Dashnor Dervishi, daja i kreut të Kuvendit të Shqipërisë, i cili tashmë është larguar për t’i lënë radhën Ardiana Hobdari, vajzës së tezes së ministrit Ditmir Bushatit, një rokadë që i shkon përshtat vendit tonë, duke na treguar se kështu bëhet shteti.
Greqia është nje vend i BE që duhet marrë seriozisht nga MPJ e Shqipërisë, kur dihen se në cfarë tensioni janë sot marrëdhëniet e dy vendeve përkatëse, por pa nënvletësuar figurën e zonjës Hobdari, për mendimin tonë duhej që të ishte një dipllomat kariere me një përvojë të gjatë punë.
Po le t’i kthehemi këtij takimi dy ditor që do të mbahet më 2-3 mars në Athinë, ku ministri Bushati do të takohet me homologun e tij Nikos Kocias.
Fokusi i diskutimeve do të jetë në katër çështje si:
– Korigjimi i teksteve shkollore.
– Marrëveshjet e ndryshme konsullore, pullën apostile.
– Çështja e varrezave të ushtarëve grekë të rënë në Shqipëri.
– Përgatitja e grupeve të punës mes dy vendeve për përfundimin e traktatit të ri të miqësisë mes Shqipërisë dhe Greqisë.
