Gjatë vitit 2021 u përgjuan 3412 persona nga të cilët u prangosën rreth 640 persona.
Kjo bëhet e ditur në raportin e Prokurorisë së Përgjithshme për vitin 2021, të cilin gazeta e disponon të plotë. Përgjimi telefonik dhe ai ambiental është një nga mjetet më të shpeshta të prokurorive në kërkim të provës, për zbardhjen e ngjarjeve.
Përgjatë vitit 2021, sipas raportit vjetor janë vënë në përgjim 3412 persona në të gjithë vendin, ndërsa nën vëzhgimin e autoriteteve kanë rezultuar të jenë më shumë personat e dyshuar për kultivimin, shitjen dhe shpërndarjen e lëndëve narkotike. Në raport flitet edhe lidhur me ekstradimet. Sipas raportit, gjatë vitit 2021 autoritetet shqiptare dërguan një numër më të vogël kërkesash për ekstradim krahasuar me vitet paraardhëse. Sipas shifrave të publikuara në raportin e përvitshëm të Prokurorit të Përgjithshëm janë gjatë vitit të kaluar janë trajtuar gjithsej 117 praktika ekstradimi, për shtetas shqiptarë apo të huaj të cilët janë shpallur në kërkim ndërkombëtar nga prokuroria shqiptare mbi bazën e një vendimi penal dënimi të formës së prerë ose vendimi për caktimin e masës se sigurimit personal “arrest në burg”. Nga 117 kërkesat janë përfunduar gjithsej 36 praktika ekstradimi. Në krahasim me vitin 2020 ka një ulje të lehtë pasi në vitin 2020 janë trajtuar 119 çështje, por krahasuar me vitet 2018 (171 kërkesa) dhe me vitin 2019 (180 kërkesa) ulja është e ndjeshme.
Ndërkohë, në raport bëhet me dije edhe qarku me koeficientin më të madh të kriminalitetit në vend. Me koeficient 1509 për 100,000 banorë Vlora mban vendin e parë, vendin të cilin e mbante Gjirokastra vitin e kaluar, ndërsa për vitin 2021 ka koeficient më të vogël të kriminaliteti.
Lezha ndodhet e dyta me një rritje të koeficientit të kriminalitetit.“Në qarkun Berat që përfshin prokurorinë pranë gjykatës së shkallës së parë Berat koeficienti i kriminalitetit për 100,000 banorë në vitin 2021 është 789; në qarkun Gjirokastër që përfshin prokuroritë pranë gjykatave të shkallës së parë Gjirokastër dhe Përmet koeficienti i kriminalitetit për 100,000 banorë është 1380.
Në qarkun Korçë që përfshin prokuroritë pranë gjykatave të shkallës së parë Korçë dhe Pogradec koeficienti i kriminalitetit për 100,000 banorë është 839. Në qarkun Kukës që përfshin prokuroritë pranë gjykatave të shkallës së parë Kukës dhe Tropojë koeficienti i kriminalitetit për 100,000 banorë është 1122.
Në qarkun Shkodër që përfshin prokuroritë pranë gjykatave të shkallës së parë Shkodër dhe Pukë koeficienti i kriminalitetit për 100,000 banore është 855.
Në qarkun Tiranë që përfshin prokuroritë pranë gjykatave të shkallës së parë Tiranë dhe Kavajë koeficienti i kriminalitetit për 100,000 banorë është 1063 dhe në qarkun Vlorë që përfshin prokuroritë pranë gjykatave te shkallës së parë Vlorë dhe Sarandë koeficienti i kriminalitetit për 100,000 banorë është 1509.
