Partnerët nuk janë dakord dhe Greqia fokusohet në luftimin e rrjeteve të trafikantëve, Turqia duhet të bëhet aleate për migracionin, thotë kryeministri grek
Për sa kohë që partnerët tanë nuk janë dakord për mënyrën e shpërndarjes së emigrantëve azilkërkues dhe barrën e tyre në vendet evropiane (duke përfshirë Hungarinë dhe Poloninë që bllokojnë marrëveshjen), Greqia vendos si synimin e saj të parë luftën kundër rrjeteve të trafikut të emigrantëve. “Duhet të shtypim rrjetet e trafikantëve”, theksoi ai në konferencën për shtyp pas përfundimit të Samitit të BE-së në Bruksel, tha Kyriakos Mitsotakis.
“Kur fola doja të demonstroja nevojën për të thyer rrjetet e trafikantëve, në mënyrë që emigrantët të mos futeshin as në një “varkë të kalbur“, tha Kyriakos Mitsotakis dhe theksoi se “në katër vitet e fundit, shumë më pak njerëz kanë humbur jetën, krahasuar me periudhën 2015-2019, sepse kanë mbetur më pak varka (nga bregdeti turk)”. “Ne duhet të punojmë me vendet në Afrikën veriore, Tunizinë dhe Libinë, për të dekurajuar trafikantët.Ekziston një njohje e përgjithshme që duhet të bëjmë diçka më shumë për të ruajtur kufijtë e jashtëm”, shtoi kryeministri.
Greqia po kërkon solidaritet evropian dhe një qëndrim më vendimtar për çështjen e mbrojtjes së kufijve të përbashkët evropianë, pasi ka presione për ta kthyer edhe Frontex-in në një… OJQ. OJQ që në asnjë mënyrë nuk “shohin” veprimet e trafikantëve dhe fokusohen gjithmonë te përgjegjësitë e Europës.
“Turqia duhet të jetë aleate në emigracion. BE-ja ka shpenzuar mjaftueshëm para për të mbështetur Turqinë për emigracionin dhe mund të shpenzojë më shumë. Mund të dëshmojmë në praktikë se Turqia është aleate për aq kohë sa e dëshiron edhe ajo. Në Vilnius do të zbulojmë nëse Turqia dëshiron që ne të hyjmë në një faqe të re”, vuri në dukje Kyriakos Mitsotakis.
