16,000 emigrantë vijnë në Evropë më 2018… 521 të vdekur

16

Organizata Ndërkombëtare për Migrim (IOM) raporton se ardhjet e emigrantëve në Evropë përmes Mesdheut kanë tejkaluar 16,000 në 2018. Deri më tani në 2018, më shumë se 520 emigrantë kanë vdekur në det.

Organizata Ndërkombëtare e Kombeve të Bashkuara për Migrim (IOM) thotë se 16,089 emigrantë dhe refugjatë kanë ardhur në Europë nga deti që nga fillimi i vitit deri më 8 prill. Ajo thotë se shumica mbërriti në Itali, ndërsa pjesa tjetër në Spanjë, Greqi dhe Qipro. Numri është më pak se gjysma e 33,355 të ardhurve në rajon në të njëjtën periudhë të vitit të kaluar.

IOM tha se shifra tregon se “emergjenca humanitare në Mesdhe vazhdon të jetë një realitet dramatik dhe shpëtimi i jetëve në det është ende numër një i prioritetit”. Në mbarë botën, Projekti i Migrantëve të Zhdukur të IOM-it (MMP) ka regjistruar 876 vdekje dhe persona të humbur në udhëtimet e migrantëve në vitin 2018. Vetëm në Mesdhe, vlerësohet se 521 emigrantë kanë vdekur këtë vit. Gjatë dhjetë ditëve të fundit, mbetjet e katër emigrantëve janë gjetur në Mesdheun Perëndimor.