IOM: 3,166 emigrantë vdiqën ne 2017 në Mesdhe me ëndrrën për në Evropë

Bota Emigracioni

Për vitin 2017, Agjencia Ndërkombëtare e Emigracionit njofton se 171.635 emigrante hynë në Evropë nga deti, një shifër pothuajse e përgjysmuar krahasuar me vitin 2016, kur arritjet arritën në 363.504 persona.

Shumica e të ardhurve nga deti vitin e kaluar u regjistruan në Itali, ku 119,310 njerëz arritën në brigjet e vendit, njoftoi Ministria e Punëve të Brendshme në 31 dhjetor.

Mund t’ju them me siguri se numrat nga Afrika e Veriut në Itali sivjet ishin nën 120,000″ tha zëdhënësi i IOM Joel Milman për gazetarët në Gjenevë. E njëjta gjë mund të thuhet për të ardhurit në Greqi, me 29,595 në vitin 2017, ndërsa në 2016, rreth 173,614 refugjatë dhe emigrantë arritën në Greqi me det, sipas IOM. Rreth 21,663 emigrantë hynë në Spanjë deri më 28 dhjetor 2017 dhe 1,067 në Qipro, siç tregojnë të dhënat e përkohshme.

Sipas IOM, rreth 3,166 emigrantë dhe refugjatë vdiqën vitin e kaluar duke lundruar nëpër Mesdhe për të arritur në brigjet evropiane, edhe pse ky raport ende nuk është definitive. Në vitin 2016, vdiqën 5,143 njerëz, një numër rekord. Në të njëjtën kohë, njoftoi se rreth 20,000 afrikanë u kthyen në Libi në vendet e tyre në vitin 2017, nëpërmjet programit të riatdhesimit vullnetar, midis të cilëve 7,000 nga marrëveshja e arritur nga Bashkimi Afrikan dhe Bashkimi Evropian më 29 nëntor në Abidjan Kombet e Bashkuara po synojnë riatdhesimin e 15,000 emigrantëve nga Libia deri në fund të janarit, tha zëdhënësi i IOM për Reuters.