Një studim i ri i madh, i botuar së fundmi në British Journal of Sports Medicine, ka nxjerrë në pah se ushtrimet e rregullta ndikojnë në reduktimin e rezultateve të rënda të COVID-19.
Ky është studimi i parë që vlerësoi drejtpërdrejt aktivitetin fizik të pjesëmarrësve.
Studimi përfshiu 65,361 njerëz nga Afrika e Jugut, të cilët u diagnostikuan me COVID-19 nga marsi 2020 deri në qershor 2021. Të dhënat e aktivitetit fizik ishin të disponueshme për pjesëmarrësit 2 vjet përpara bllokimit të parë të vendit, në mars 2020. të dhënat u regjistruan nga pajisjet inteligjente, si p.sh. telefonat celularë ose orët, si dhe nga informacione specifike për palestra .
Në përgjithësi, 20.4% e pjesëmarrësve ishin të përfshirë në nivele të ulëta të aktivitetit fizik të paktën me intensitet mesatar në javë (0 – 59 minuta), 34.5% në nivele të moderuara (60 – 149 minuta) dhe 45.1% në nivele të larta (150 minuta ose më shumë). . Gjithashtu, 11.1% e pjesëmarrësve u shtruan në spital për shkak të COVID-19, 2.4% u shtruan në njësinë e kujdesit intensiv, 1.3% kishin nevojë për ventilim dhe 1.6% vdiqën.
Analizat statistikore, të përshtatura për faktorët demografikë dhe të tjerë të rrezikut, treguan se me infeksionin COVID-19, personat me aktivitet fizik të lartë kundrejt atyre të ulët treguan: 34% rrezik më të ulët për shtrimin në spital , 41 % rrezik më i ulët për pranim në spitale, 45% rrezik më i ulët i kërkesës për ventilim dhe 42% rrezik më i ulët i vdekjes
Edhe aktiviteti fizik i moderuar, sipas udhëzimeve të rekomanduara ndërkombëtare për të paktën 150 minuta në javë, është shoqëruar me përfitime të konsiderueshme. Konkretisht, me 13% rrezik më të ulët të shtrimit në spital , 20% rrezik më të ulët për shtrimin në Njësinë e Kujdesit Intensiv , 27% rrezik më të ulët të kërkesës për ventilim dhe 21% rrezik më i ulët i vdekjes
Ky studim tregoi se, në rast të valëve të ardhshme të pandemisë COVID-19, këshillat tona mjekësore duhet të përfshijnë në mënyrë specifike promovimin dhe lehtësimin e ushtrimeve. Sigurisht që ka shumë arsye të tjera për të reduktuar veçanërisht sëmundjet metabolike dhe kardiovaskulare, për të rekomanduar aktivitetin e përditshëm fizik, por tani shtohet edhe një arsye tjetër e rëndësishme.
