Ministria e Punëve të Jashtme greke ka lëshuar një deklaratë në lidhje me sulmin kundër forcave paqeruajtëse të OKB-së në Qipro dhe përpjekjen e forcave okupuese për të krijuar fakte të kryera në terren.
Në mënyrë të veçantë në njoftim thuhet:
“Ne dënojmë pa mëdyshje sulmet e sotme të papranueshme nga turqit qipriotë kundër anëtarëve të forcës paqeruajtëse të Kombeve të Bashkuara në Qipro (UNFICYP), të cilët u përpoqën të pengonin punën e paautorizuar të ndërtimit të rrugëve brenda zonës së vdekur pranë Pyla.
Përpjekja për të krijuar një zonë të vdekur brenda zonës së vdekur është një shkelje flagrante e status quo-së, ndërsa sulmi ndaj paqeruajtësve të OKB-së është një akt përbuzjeje ndaj ligjit ndërkombëtar. Operacionet e paligjshme duhet të ndalen menjëherë dhe duhet shmangur çdo lloj aktiviteti që do të shkaktojë përshkallëzim të mëtejshëm. Veprime të ngjashme nuk kontribuojnë aspak në përpjekjet e OKB-së për të ringjallur bisedimet për zgjidhjen e çështjes së Qipros.Greqia është në koordinim të plotë me Republikën e Qipros dhe do të ndërmarrë të gjitha veprimet e duhura ndaj organizatave dhe qeverive ndërkombëtare”.
