Një ditë para mbërritjes në Tiranë Zëvendësndihmës-sekretari Amerikan i Shtetit, Hoyt Brian Yee lëshon apelin e tij kundwr çdo lloj bojkoti.
“Parlamentet duhet të përfaqësojnë dhe të mbrojnë interesat e qytetarëve. Deputetët nuk mund të heqin përgjegjësinë që kanë duke bojkotuar parlamentin.” tha zyrtari i lartë amerikan ndërsa kujtoi këshillën e ish-presidentit amerikan Ruzvelt “se është më mirë të jesh një lider i guximshëm në arenë sesa nëj kritik apo vëzhgues nga jashtë”.
Gjatë fjalës së tij në forumin rajonal për siguri “2BS” në Budva të Malit të Zi, zyrtari i lartë amerikan tha se Qeveritë në rajonin e Ballkanit duhet të luftojnë kundër korrupsionit dhe udhëheqësit e rajonit duhet të gjejnë kurajën politike, për të bërë reformat e nevojshme në interes të qytetarëve.
