Komuniteti lokal është i tronditur nga sulmi vrasës ndaj punëtorëve migrantë nga një grup banditësh. Banorët kanë raportuar për ngjarjen dhe janë në pritje të arrestimit nga policia.
Ngjarrja ka ndodhur ditën e mërkurë ku një grup prej rreth 6-9 personash pasi pinë në klubin Agios Georgios hodhën idenë për të shkuar dhe rrahur në shtëpi emigrantë nga pakistani. Ashtu ndodhi, emigrantët nga Pakistani u sulmuan në mënyrë të egër raciste në Lassithi të Kretës në shtëpinë e tyre nga grupi rracist.
Kjo dhunë ka tronditur Komunitetin lokal në Lassithi dhe fshati Agios Georgios nga ky incident i paparë i dhunës që rezultoi në plagosjen e shumë prej tyre, aq sa dy nga të plagosurit mbetën në spital.
Grupi racist mbërriti në dy shtëpi ku jetuan rreth 15 pakistanezë, të cilët aktualisht punojnë në bujqësi dhe mbledhin patate dhe perime, ata u futën dhe filluan t’i rrahin me një egërsi të paparë me gjithçka që gjetën pranë tyre. Ata madje grabitën një emigrant 17-vjeçar.
Grupi rracist nuk u ndal me asgjë, të shtënat trazuan fshatin, por ata arritën të zhduken.
Banorët e fshatit që lanë shtëpitë e tyre, filluan të japin ndihmën e parë emigrantëve fatkeq, ndërsa me makinat e tyre filluan t’i transportojnë në Qendrën Shëndetësore të Tzermiades.
Dy duhej të transportoheshin në spital ku ata vazhdojnë të trajtohen, të tjerët e kaluan natën në Qendrën Shëndetësore dhe të tjerët u kthyen në shtëpi të tmerruar.
Në të njëjtën kohë, policia u njoftua dhe filloi të kërkojë autorët, por ata ishin zhdukur. Sipas informacioneve nga deponimet por edhe nga videot e kamerave të sigurisë, policia ka identifikuar autorët, mosha mesatare e të cilëve është 30 vjeç dhe shumica e tyre merren me blegtori.
Në fakt, njëri prej tyre është proceduar më parë nga autoritetet, i dyshuar i përfshirë në një krim të rëndë.
Dosja e çështjes përgatitet nga N/Drejtoria e Sigurisë Lassithi dhe Departamenti i Policisë së Lassithit, do t’i paraqitet Prokurorisë së Lassithit, dhe për shkak se akuzat janë të natyrës kriminale, pritet të lëshohen urdhër-arreste.
Banorët e fshatit në Lassithi qëndruan pranë emigrantëve që u bënë viktima të sulmit dhe kërkojnë arrestimin e autorëve vendas, të cilët sipas banorëve janë jashtë kontrollit.
