Në vitin 1998, Uran Ferizi ishte vetëm 17 vjeç kur u largua nga Shqipëria me rrobat e trupit dhe një ëndërr të madhe: të studionte në Universitetin e Oksfordit.
Sipas rrëfimit të tij, udhëtimi drejt Britanisë ishte plot rreziqe dhe vështirësi. Kaloi Adriatikun me një gomone të mbingarkuar, u mashtrua nga një taksist në Itali dhe mbeti pa para. Përjetoi urinë dhe, për të kaluar në Britaninë e Madhe, u fsheh poshtë një kamioni.
Në Angli nisi punë si pjatalarës. Mësoi gjuhën, vazhdoi shkollimin dhe arriti të fitonte të drejtën për të studiuar inxhinieri në Oksford, duke realizuar ëndrrën për të cilën ishte nisur.
Më pas përfundoi doktoraturën dhe punoi në institucione si UCL, New York University dhe Stanford, duke kontribuar në kërkime për diagnostikimin e hershëm të sëmundjeve neurologjike.
Rrugëtimi i tij e çoi edhe në diplomaci, si ambasador i Shqipërisë në Londër. Një histori që lidh vështirësitë e emigrimit me këmbënguljen për të mësuar dhe për të ndërtuar një të ardhme tjetër.
