Zëvendëskryeministri britanik Dominic Raab dha dorëheqjen të premten pas një hetimi të pavarur mbi pretendimet se ai ngacmonte kolegët, në skandalin e fundit për të detyruar një nga ministrat kryesorë të kryeministrit Rishi Sunak.
Çfarë tha Raab në letrën e tij të dorëheqjes?
Raab tha se hetimi kishte hedhur poshtë të gjitha, përveç dy prej pretendimeve të ngritura kundër tij.
Ai tha gjithashtu se kishte arritur në përfundimin se ai asnjëherë nuk ishte “betuar apo bërtitur ndaj askujt, e lëre më të kishte hedhur ndonjë gjë apo të frikësonte fizikisht dikë, as nuk kishte kërkuar qëllimisht të nënçmonte dikë”.
Ai kërkoi falje: “Më vjen sinqerisht keq për çdo stres apo ofendim të paqëllimshëm që ka ndjerë ndonjë zyrtar, si rezultat i ritmit, standardeve dhe sfidës që solla në Ministrinë e Drejtësisë”.
Kur filloi hetimi?
Raab kërkoi hetimin në nëntor për dy ankesa zyrtare për sjelljen e tij. Një muaj më vonë ai u zgjerua për të përfshirë pesë ankesa të tjera zyrtare.
Ai tha se në atë kohë ishte njoftuar për ankesat që nga koha kur ishte ministër i Jashtëm dhe i Drejtësisë.
Raab kishte thënë se kishte besim se ishte sjellë në mënyrë profesionale gjatë gjithë kohës. Sunak fillimisht mbrojti zëvendësin e tij kur u shfaqën akuzat, duke thënë se ai nuk i njihte pretendimet se Raab kishte ngacmuar stafin.
Raporti nuk është publikuar ende dhe nuk ka pasur asnjë koment nga Sunak.
