Kryeministri Edi Rama në daljen urgjente për mediat, deklaroi se Shqipëria nuk mund të ndërrojë kursin euroatlantik për Kosovën.
Rama tha se Shqipëria nuk vepron e izoluar, teksa theksoi se marrëdhënia me Kosovën është vëllazërore. Ndër të tjera, ai vuri në dukje edhe mbështetjen që i ka dhënë Albin Kurtit.
“Shqipëria nuk është një ufo, nuk operon e izoluar dhe marrëdhënia e Shqipërisë me Kosovën është një marrëdhënie vëllazërie, por jemi një shtet pjese e pandashme euroatlantike, pjesëtare e NATO-s dhe nuk ka shans të zhvendoset nga boshti i tyre. Ne mendojmë 100 përqind njësoj si aleatët tanë në këtë rast. Kur disa prej partnerëve i thoshin Albinit dhe autoriteteve të Kosovës mos i mbani zgjedhjet në veri, unë isha 100 përqind me Albinin që duheshin mbajtur sepse bojkoti i serbëve nuk mund të fitonte statusin e instrumentit fatal për Kosovën”, tha Rama.
