Britanikët kishin paralajmëruar në shtator të vitit të kaluar se pasaporta blu do të zevendësohej me atë ngjyrë të kuqe të errët pa shenjën e Bashkimit Europian dhe kështu ndodhi.
Pasaportat e reja nisën të lëshonin një ditë pas 29 marsit, ditën kur Brexit fillimisht ishte vendosur të mbahej, Mbretëria e Bashkuar filloi lëshimin e pasaportave të reja pa shenjën “Bashkimi Evropian”. Konfirmimi ka ardhur dje nga një zëdhënës i ministrisë së brendshme, duke theksuar se: “Pasaportat e kuqe të errëta pa fjalët Bashkimi Europian në mbulesë u futën në qarkullim më 30 mars”
Zëdhënësi i ministrisë shpjegoi se pasaportat me flamur të BE-së “do të vazhdojnë të lëshohen pak pas kësaj date” në mënyrë që “të vënë në dispozicion stoqet”. Prania ose mungesa e treguesit nuk ndikon në aftësinë e mbajtësit të pasaportës për të udhëtuar. Kjο tërheqje simbolike e treguesve të BE për pasaporta të reja ka ngjallur shumë reagime dhe komente mbi mediat sociale, mbështetësit dhe rivalët e Brexit. Kryeministri i Britanisë së Madhe Tereza Mei bëri thirrje për një shtyrje të mëtejshme të datës fillimisht të planifikuar për në 29 mars dhe më pas vazhdoi deri më 12 prill, me kreun e konservatorëve që dëshirojnë një zgjatje të re deri më 30 qershor.
