Njeriu më i vjetër në botë, Saturnino de la Fuente Garcίαa, ka vdekur në moshën 112 vjeç e 341 ditë, njoftoi të mërkurën Rekordet Botërore Guinness.
Spanjolli u emërua njeriu më i vjetër në botë në moshën 112 vjeç e 211 ditë, sipas organizatës me qendër në Londër. Ai do të festonte 113-vjetorin e lindjes muajin e ardhshëm.
Për shkak të shtatit të tij të shkurtër (1,50 m), spanjolli, i lindur në Puente Castro më 11 shkurt 1909, nuk u ftua të regjistrohej dhe të luftonte në vitin 1936, kur lufta civile spanjolle ishte ndezur.
Ai bëri një pasuri duke filluar një biznes këpucësh. Ai kishte shtatë fëmijë, 14 nipër e mbesa dhe 22 stërnipër.
Rekordi i jetëgjatësisë mbahet nga francezja Jean Kalman, e cila jetoi 122 vjet e 164 ditë deri në vdekjen e saj në vitin 1997, sipas faqes së rekordeve botërore Guinness.
