Presidenti i Komisionit Evropian, Jean-Claude Juncker u shpreh se fillimi i vërtetë i negociatave për “Brexit” do të zhvillohet pas zgjedhjeve të parakohshme më 8 qershor në Britaninë e Madhe, me propozim të kryeministres Theresa May, njoftoi sot një zëdhënës i institucionit. Juncker, i cili zhvilloi një ditë më parë një bisedë telefonike me May-n, u shpreh se negociatat politike për nenin 50 me Britaninë e Madhe do të nisin pas zgjedhjeve të parashikuara në datën 8 qershor”, deklaroi për shtypin, Margaritis Schinas, zëdhënës i Komisionit.
