Kanë kaluar dy vite e gjysëm kur Pëllumbi u vra nga racizmi grek, u vra brenda në komisariatin e policise në Ano Patisa në Athinë. Një vrasje që bëri bujë për mënyrën si u vra dhe si u tentua në atë kohë të mbulohej krimi nga autoritetet greke. Pak më parë gazetari Aulon Kalaja i ka kushtuar nje dokumentar të 29-vjeçarit nga Lezha, duke mos anashkaluar dhe reagimin e kryeministrit Edi Rama më 16 gusht të 2016.
Sot shoku i tij Arianit Niti i ka kushtuar një poezi të paharuarit Pëllumb Marnikolaj, shqiptarit të vrarë në mes të 190 të vrarëve në tokën helene…Sot nga kembengulja e familjes se tij hetimet kane filluar perseri nga drejtesia greke, duke hedhur poshte pretendimet e policise se ai u hodh nga dritarja e policise…
Thonë kur bien tërmete
shkulen dhe malet nga rrënja
zhduken e bien qytete
po ti do mbetesh në zëmra
Thëllëzat,zogjtë e sorkadhet
u mblodhën e qanin tok
nuk vjen më djalë si Pëllumbi
Një trim i zgjedhur në shok
O Pëllumb i trimërisë
o djalë i zgjuar me halle
djem fisnik si ty o trim
rriten rrallë në këto male
Iku djali gojë ëmbël
fjalë mjaltë e zemër bardhë
prandaj na piku në zëmër
helm që s`na ka për të dalë
o Pëllumbi ynë i dashur
o zambak përmbi lëndinë
të të puthë Nëna ballin
të të puthë Nëna synë
O ti vesa që veson barin
bjerë,e bjerë për çdo natë
ta bësh më të butë barin
që ti duket si krevat
Hapu varr mos e mbaj brënda
të dalë të gëzojë jetën
e kërkon Babai dhe Nëna
se mbetën si qyqe vetëm
Çaje varrin ti moj këngë
fluturo si asnjë herë
ngrihe Pëllumbin në këmbë
që ta shohim dhe njëherë
