Studiuesit fokusohen në ekzaminimin e shtresës mbrojtëse të ozonit në planet. Cilat ishin gjetjet e tyre?
Gjetja e jetës në një planet, ose thjesht vërtetimi se dikur ka ekzistuar jeta në këto botë të largëta, është një nga qëllimet kryesore të shkencës. Shumë teleskopë janë fokusuar në atmosferat e planetëve gjatë viteve, por asnjëri prej tyre nuk ka zbuluar jetë atje.
NASA me teleskopin hapësinor James Webb iu dedikua vetëm kërkimit të jetës jashtëtokësore. Shkencëtarët kanë zhvilluar një mjet për të ngushtuar botët e mundshme që mund të përmbajnë jetë potenciale, dhe ata kanë një qasje për të arritur këtë qëllim.
Tani për tani, studiuesit po fokusohen në ekzaminimin e shtresës mbrojtëse të ozonit në planet. Shtresa e ozonit mbron biosferën e Tokës nga rrezatimi i rrezikshëm ultravjollcë (UV) i diellit.
Sipas një studimi të fundit, të botuar në revistën Nature Communication, ndërsa universi zgjerohet, yjet “të porsalindur” bëhen gjithnjë e më të pasur me metale, duke i nënshtruar krijesat ndaj rrezatimit ultravjollcë gjithnjë e më të fortë.
Me këto të dhëna, shkencëtarët zbuluan se ata kishin kërkuar për alienë në “të gjitha vendet e gabuara” për kaq shumë kohë. Siç doli nga studimi, jetë jashtëtokësore mund të gjendet në planetë me një veti shumë specifike, të cilën ata nuk e kishin marrë parasysh më parë.
Sipas gjetjeve, planetët e strehuar nga yje me metal të ulët “mund të jenë më të përshtatshëm për jetë”.
Shkencëtarët kanë zbuluar se megjithëse yjet e pasur me metale (si Dielli i Tokës sonë) lëshojnë “thelbësisht më pak rrezatim UV” sesa yjet e varfër me metal, sipërfaqja e planetëve të tyre në fakt është e ekspozuar ndaj rrezatimit UV më intensiv. Prandaj, ky mund të jetë një faktor që çon në dëmtim gjenomik dhe një kërcënim për të gjitha format e jetës.
