Sherri mes 55-vjeçares dhe partnerit të saj në Selanik zgjati rreth gjysmë ore, para se ai ta vriste përfundimisht. Dëshmitë tregojnë autorin e vrasjes brutale si një alkoolist, nervoz dhe i dhunshëm, raportojne mediat vendase.
Detajet e vrasjes brutale që ndodhi të hënën pasdite në rrugën Gravias të Selanikut janë tronditëse. Një fqinj i 55-vjeçares Eleni Ch. e cila u gjet e vrarë në banesën e saj, dëgjoi minutë pas minute vrasjen në rrugën Gravias.
“Te lutem mos me vrit”
Sipas dëshmisë së fqinjit, sherri mes 55-vjeçares dhe partnerit të saj zgjati rreth tridhjetë minuta. Në një moment gruaja fatkeqe bërtiti: “Të lutem mos më vrit”. Disa minuta më vonë ai e dëgjoi atë duke rënkuar. Kishte pasur goditje dhe rrahje.
Policia në kërkim për arrestimin e autorit
Kujtohet se autori me shtetësi gjeorgjiane, pasi ka vrarë partnerin e tij, është larguar nga banesa me duar të njollosura në gjak në drejtim të panjohur. Deri më tani, përpjekja e Policisë për gjetjen e tij vazhdon me intensitet të pakufizuar. Policia është ne kërkim për gjetjen e autorit.
Dëshmitë e vendasve dhe një shoku të viktimës paraqesin autorin e vrasjes brutale si një person i varur nga alkooli, nervoz dhe i dhunshëm.
