Rusia po punon për përforcimin e mbrojtjes ajrore siriane pas sulmit amerikan me predha kundër forcave shtetërore në Siri, njoftoi Ministria ruse e Mbrojtjes.
“Rusia do të rrisë efektshmërinë e sistemit antiajror duke mbrojtur infrastrukturat kryesore në Siri, në të ardhmen e afërt”, deklaroi zëdhënësi i Ministrisë së Mbrojtjes, Igor Konashenkov.
Rusia kishte njoftuar vitin e kaluar se do të dërgonte sistemin e fuqishëm me predha kundërajror S-300 në Siri, veçanërisht për të mbrojtur portin detar rus në qytetin e Tartus.
