Rrëfimi i Dritan Priftit: Kam një vit që luftoj me një sëmundje agresive

Aktualitet

Ish-­deputeti Dritan Prifti , nëpërmjet një postimi në rrjetin social “Facebook”, rrëfen se nuk mund të garojë në këto zgjedhje për shkak të gjendjes së tij shëndetësore.

Ai vijon duke thënë se prej një viti po lufton me një sëmundje agresive dhe të vështirë gjaku, të cilën ka bindjen se do ta kaloj. “Unë nuk do votoj ne këto zgjedhje. Nuk mendoj se dhe ju keni motiv te votoni. Shqipëria ka ecur mbrapa drejt varfërimit dhe mungesës se demokracisë”, shkruan Prifti.

Postimi i plotë në “Facebook”:

Përshëndetje miqtë e mi. E di që jeni kuriozë të dini nëse unë do kandidoj në zgjedhjet e 18 qershorit. Nuk do kishte kënaqësi më të madhe për mua sesa të kisha mundësi të kandidoja dhe përfaqësoja përsëri Ju ne politike. Por nuk mundem fizikisht. Kam mbi një vit që luftoj me një sëmundje agresive dhe të vështirë gjaku. Kurimi vazhdon dhe pak muaj dhe nuk më jep mundësi të shkëputem për fushate. Kam bindjen që do ta kaloj dhe këtë siklet shpejt. Nuk dua të mërziteni. Këto zgjedhje nga mënyra si po bëhen, pa opozitën, do dështojnë dhe do ri përsëriten shpejt. Lutjuni Zotit nëse besoni që unë ta kaloj shpejt këtë sëmundje dhe të jemi bashkë në momentin më të parë. Unë nuk do votoj në këto zgjedhje. Nuk mendoj se dhe ju keni motiv të votoni. Shqipëria ka ecur mbrapa drejt varfërimit dhe mungesës së demokracisë. Megjithatë askush nuk mendon për ju, nëse nuk mendoni për vetë. Nëse do votoni, bëjeni për interesin tuaj dhe askujt tjetër. Ju përqafoj Dritan Prifti