Numri i personave që u vetëvranë në Kretë gjatë vitit 2024 është tronditës.
Sipas të dhënave që disponon media lokale “cretapost”, nga 1 janari deri në natën e ndërrimit të viteve i kanë dhënë fund jetës 34 persona, mes tyre shumë të rinj si dhe një vajzë vetëm 17 vjeç. Ky numër tragjik i vetëvrasjeve është pesë më i lartë se vitin e kaluar kur u vetëvranë 29 persona. Arsyet që i dhanë fund jetës së 34 personave ishin kryesisht të natyrës psikologjike, ndërsa në raste të tjera kishte probleme shëndetësore dhe financiare.
Gjinia dhe mosha: Nga 34 persona, 27 janë meshkuj dhe 7 femra. Shumica prej tyre – 14 për të qenë të saktë – ishin të moshuar, 8 ishin të moshës nga 41 deri në 50 vjeç, 5 ishin midis 51 dhe 60 vjeç, 4 ishin të rinj deri në 30 vjeç (midis tyre një 17 vjeç dhe një 22- vjeç) ndërsa 3 ishin të moshës nga 31 deri në 40 vjeç.
Mënyra: Shumica e njerëzve që vendosën t’i japin fund jetës zgjodhën të qëllonin veten ose të vareshin.
Më konkretisht: 16 persona qëlluan veten, ndërsa 8 të tjerë i dhanë fund jetës duke u varur. Gjashtë persona vdiqën nga një rënie (nga një urë, ballkoni i shtëpisë ose spitalit). Dy persona kanë vdekur nga mbytja (qoftë nga bombola e gazit ose nga tymrat e motorit me rreze X), një person është goditur me thikë dhe një tjetër ka konsumuar një sasi pesticidi.
