Përfshirja e aleatëve në listat e Partisë Demokratike duket se ishte një nga pikat kryesore të Lulzim Bashës me qëllim që të maksimalizojë votat e të djathtës. Kështu, nga listat zyrtare rezulton se:
Partia Republikane ka marrë pozicionin 10 në Tiranë ku është Fatmir Mediu dhe pozicionin 14 në Tiranë ku është Blendi Sulaj.
Lëvizja për Zhvillim Kombëtar, ashtu siç edhe i shte njoftuar ka marrë pozicionin fitues 11 në Tiranë për kreun e saj, Dashamir Shehi.
Partia Agrare ambientaliste, ka marrë tre vende fituese, ku në Tiranë kandidon Fuad Haxhiymeri në pozicionin 13, në Durrës kreu i saj, Agron Duka në pozicionin 5 dhe në Fier Olsi Cuko në pozicionin 5.
Partia Demokristiane, ka marrë një mandat deputeti te sigurt, ku do te kandidoje kryetari i saj, Nard Ndoka si i 5-ti në Shkodër.
Ndërsa Partia Bashkimi për të Drejtat e Njeriut, ka marrë pozicionin fitues me numër 3 në Vlorë për kryetarin e saj, Vangjel Dule si dhe pozicionin e diskutueshëm nr. 6 në Korçë, për Ligoraq Karamelon.
Partia Balli Kombëtar, pas negociatave me PD-në ka marrë pozicionin jofitues nr. 6 në Vlorë, për kryetarin e saj, Adriatik Alimadhi, ndërsa Partia e Gjelbër ka marrë pozicionin jofitues nr. 5 në Berat për Sazan Gurin. /
PD-ja ka bërë një marrëveshje edhe me Partinë Lëvizja e Legalitetit ku kryetari i saj Sulejman Gjana kandidon i 4-ti në Dibër.
Pozicionet e aleatëve
Fatmir Mediu (PR)- 10 Tiranë
Dashamir Shehi (LZHK)- 11 Tiranë
Fuad Haxhiymeri (PAA)- 13 Tiranë
Blendi Sula (PR)- 14 Tiranë
Agron Duka (PAA)- 5 Durrës
Nard Ndoka (PDK)- 5 Shkodër
Vangjel Dule (PBDNJ)- 3 Vlorë
Adriatik Alimadhi (PBK)- 6 Vlorë
Olsi Cuko (PAA)- 5 Fier
Ligoraq Karamelo (PBDNJ)- 6 Korçë
Sazan Guri (Partia e Gjelbër) – 5 Berat
Sulejman Gjana (PLL)- 4 Dibër
