Gjithsej 26.015 nxënës të huaj mësojnë në tavolinat e shkollave në Greqi, raporton e përditëshmja Kathimerini 9/02/2022
.
Bëhet fjalë për fëmijë nga 5 deri në 17 vjeç, të cilët përbëjnë afërsisht 2% të popullsisë studentore në Greqi.
Sistemi arsimor po përpiqet të menaxhojë nxënësit e huaj, shumica e të cilëve po e lënë atdheun e tyre për një të nesërme më të mirë. Nuk janë vetëm vështirësitë me të cilat përballen shumë prej këtyre nxënësve, sepse ndodhen në një vend të huaj pa e ditur gjuhën, ndërkohë që shkollimi në distancë i dy viteve të fundit ua ka vështirësuar edhe më shumë përpjekjen.
Në veçanti, në total në Greqi studiojnë nxënës nga 94 shtete nga shkolla fillore deri në të mesme, sipas të dhënave të fundit të Ministrisë së Arsimit të prezantuara në 2022. Në shkollën arsimore greke janë regjistruar fëmijë nga Vietnami, El Salvador, Republika Domenikane, Senegali, Ruanda, Kili, Trinidad dhe Tobago, ku numri i përgjithshëm i tyre është njëshifror për çdo shtet.
Atika ka 10.220 nxënëx të huaj dhe pjesa tjetër është e shpërndarë në rajonet e tjera të Greqisë.
Më konkretisht, shqiptarët përbëjnë shumicën e fortë të nxënësve të huaj në shkollat greke.
Është karakteristik se në fund të vitit 2021 nga Shqipëria studionin 15.532 fëmijë, ndjekur nga Afganistani me 1.059, pasua nga Gjeorgjia me 600 , Iraku me 561 dhe Siria me 481 studentë.
Shifrat pasqyrojnë fluksin e madh migrator të njëzet viteve nga Ballkani, shtetin fqinj, por edhe flukset e fundit migratore nga Lindja e Mesme.
