Në korrik, vala e pandemisë që nisi më 1 qershor në Greqi do të përfundojë, ashtu siç ndodhi në Portugali, sipas profesorit të Pulmologjisë Kostas Gourgoulianis.
Koronavirusi mund të jetë bërë më ngjitës, por është më pak vdekjeprurës dhe nuk shkakton më sëmundje serioze. Kështu u shpreh profesori i Pulmologjisë së Mjekësisë në Universitetin e Thesalisë, Kostas Gourgoulianis, duke folur në TV SKAI.
Siç tha ai “lajmi i mirë për koronavirusin vjen nga Afrika e Jugut dhe ne e kemi parë në vendin tonë për 6 muajt e fundit. Këto mutacione nuk shkaktojnë pneumoni, që do të thotë se nuk shkaktojnë sëmundje të rënda, njerëzit nuk kanë nevojë të shkojnë në spital, të intubohen dhe nuk vdesin”.
Në fakt, ai vuri në dukje se vetëm numri i rasteve apo infeksioneve nuk thotë asgjë. Ai nxitoi të vuri në dukje se ka njerëz me probleme shëndetësore dhe me një infeksion të thjeshtë që vuajnë.
“Që nga muaji janar kemi në spital persona, mosha mesatare e të cilëve është mbi 80 vjeç dhe sëmundjet shoqëruese që kanë janë problemi kryesor. Kjo është pjesa dërrmuese e pacientëve që kemi dhe duhet t’i mbrojmë”, vuri në dukje ai dhe u bëri thirrje qytetarëve që i përkasin grupeve vulnerabël të vaksinohen.
Ai parashikoi se vala e pandemisë e nisur më 1 qershor në vendin tonë do të përfundojë në korrik, siç ndodhi në Portugali.
Së fundi, ai vuri në dukje se do të kemi vazhdimisht mutacione të reja me transmetueshmëri gjithnjë e më të shtuar, që sigurisht do të shoqërohet me një sëmundje më të lehtë. “Kur virusi bëhet më ngjitës, ai nuk vret. Sepse po të vriste njerëz nuk do të mbijetonte”, ka përfunduar ai.
