Delegacioni i BE-së në Shqipëri, ka reaguar për ndryshimin e rregullores, që tashmë parashikon ndalimin e gazetarëve në ambienetet e komisioneve.
Me anë të disa shënimeve në Twitter, EU in Albania thotë se mbulimi i seancave në Kuvend nga gazetarët është element i rëndësishëm i një demokracie liberale.
Delegacioni shpreh keqardhjen që vendimi u mor para se të kishte një konsultim me mediat dhe grupet e interesit lidhur me ndryshimin e rregullores.
Shënimi i plotë
Dëgjesat publike dhe qasja e mediave në Parlament për të mbuluar punën e seancave dhe komisioneve të tij janë elemente të rëndësishme të një demokracie liberale. Keqardhje për mungesën e konsultimeve me mediat përpara miratimit të rregullave të reja nga Parlamenti. Këto rregulla nuk janë në përgjigje të udhëzimeve të BE-së ose këshillave të dhëna nën ndihmën e IPA-s, të nisura në këtë kontekst në vitin 2014.
